#


विज्ञहरूका अनुसार वैवाहिक जीवनभन्दा एकल जीवन उत्तम !

  एजेन्सी   २०७६ बैशाख ३, मंगलवार ०६:५६ मा प्रकासित

काठमाडौ । हाम्रो समाजमा महिला होस् या पुरुष एकल व्यक्ति शंकाको घेरामा हेरिन्छ । किनभने समाजका सबै मानिसहरुको सोचाईमा कुनै पनि मानिसले कसैको साथ विना एक्लै जीवन बिताउन सक्दैनन् भन्ने हुन्छ । तर अहिले एक अध्ययनले यो कुरा गलत भनेको छ ।

साइकोलोजी टुडे’मा प्रकाशन भएको अनुसन्धानको एक रिपोर्टको अनुसार वैवाहिक जीवनभन्दा एकल जीवन उत्तम हुने जनाएको छ । एकल हुनुको यस्ता छन् फाइदाहरु

१. एकल व्यक्तिहरू विवाहितभन्दा निकै लचिलो हुन्छन्
विज्ञहरुको अनुसार विवाहित महिलाहरु आफ्नो घर व्यवहारको काममा फसेर मानसिक रुपमा समस्या हुन्छन् । जसले गर्दा व्यक्तिमा भएको क्षमताहरु समेत हटेर जान्छ । तर एकल व्यक्ति स्वतन्त्र हुने भएकाले सामाजिक , आर्थिक र अन्य जस्तोसुकै काममा पनि सक्रिय हुन्छन् ।

२. एकल व्यक्तिहरू सामाजिक क्रियाकलापमा तथा शैक्षिक क्षेत्रमा बढी अग्रसर हुन्छन्
विज्ञहरुका अनुसार विवाहित व्यक्तिहरु जस्तो एकल व्यक्ति कुनै पनि घरव्यवहार , बालबच्चाको हेरचाह र अन्य झमेलामा फस्नु नपर्ने भएकाले बढी सामाजिक कार्यमा चासो राख्दछन् । त्यसपछि विस्तारै विस्तारै समाजमा एक परिचान बनाउछन् । र सबै समाजिक कार्यको नेतृत्व लिन सुरु गरी बढी सक्रिय हुन्छन् ।

३.एकल व्यक्तिको व्यक्तिगत सम्बन्ध सच्चा हुन्छ
विवाहअघि धेरै साथीसँग हिड्ने मानिसहरुले विवाहपछि साथी बिर्सन्छन् । किनभने उनीहरु आफ्नो घरपरिवार र व्यवहारमा व्यस्त हुन्छन् । तर एकल व्यक्तिसँग थोरै साथीहरु भएपनि साथी संगतले सधै रचनात्मकता र मौलिकतामा ध्यान दिन्छन् । जसलाई जीवनको सबै पक्षको ज्ञान हुन्छ ।

४. एकल व्यक्ति विवाहितभन्दा स्वतन्त्र हुन्छन्
विवाहित व्यक्तिले विवाहपछि आफ्नो परिवारको अनुमति लिनुपर्ने हुन्छ । तर एकलले ठिक विपरित जति टाढाको यात्रा भएपनि सजिलै बाहिर निस्कन सक्छन् । त्यसैले विवाहित व्यक्तिको तुलनामा एकल व्यक्ति शारिरिक र मानसिक रुपमा बढी सक्रिय हुनछन् ।

फेसबुकमा तपाईको प्रतिक्रिया

सवाल नेपाल टिभी

   

सम्बन्धित शीर्षकहरु